نحط في إناء صدر دجاج مطحون و2 ملاعق كبار خبز يابس مرحي وغبض معدنوس مقطع و رشة ملح وفلفل اسود وقسبر مطحون سكنجبير وثوم بودر وكركم وكيري دجاج نصف معلقه صغيرة خردل حبة بيض ونخلطهم ونخليه على جيه ونحضر لحم
في إناء اخر نحط كمية لحم مفروم 1 ملعقة كبيرة خبز يابس مرحي وغبض معدنوس مقطع و رشة ملح وفلفل اسود ورشة قرفة وسكنجبير ونكوره ونحطها على جية
نجيب ورق شفاف نفتح فيه نصف كمية تاع جاج نفتحه ونجيب نصف كمية لحم مفروم ونفتحها سواسو ونحطها فوق دجاج ونجيب فرماج ونقطعه عريض باش يبان في وسط رولي وندوره ونزيره بورق شفاف ونزيد نلويه في ألمنيوم ونتقبه باه يتخله طياب ونزيد ندير كمية لي بقات بنفس طريق ونديره يطيب في كسكاس ونغلق عليه بسربيت وبلاع ونخليه يطيب مدة 45 دقيقه وكون طايب نحيله ذاك ورق ألمنيوم وورق شفاف ونحط يبرد مليح ونجيب صحن نحط فيه حبة بيض وفي صحن زاوج نحط فيه خبز يابس ومرحي ونفوة رولي في بيض ونزيده في خبز مرحي ونقليه في مقلاة نكون حطية فيه 2 ملاعق زبد ونحمر رولي من كل جوانب علي نار متوسط منبعد نقطعه دوائر
نحضر صلصة بيضاء مع فطر (شومبينوي)
نحط في طجين معلقه صغيرة زبدة 4 فصوص ثوم مرابي ونزيد كمية فطر لتكون غسلته وصفيته من ماء ونمي مع ثوم يتقل مليح علي نار هادئة ونضيف عليه رشة ملح ورشة فلفل اسود ورشة كركم ونضيف كأس كرام فراش ونصف كأس حليب وملعقة كبيرة فرماج ونخليه طيب شوي وتكون واجد
نحط في صحن صلصة فطر ونحط رولي من علي جنب ونزين بشوي معدنوس مقطع وشرائح ليمون
وشهي طيب